Rundtrøye frå Almankås modell 1910

Denne rundtrøya vår er frå garden Selstugu i Tuddal. Den er av nyare dato – rundt 1910 seier fagfolk. Den har ei meir «moderne» utforming, med smalare armar, enkeltspendt vest utan slag og kan ha vore sydd i lettarer stoff. Vi ser på denne modellen som eit alternativ for dei som ynskjer ein lettare og enklere bunad.
Her kan vi også tilby litt variasjon i stoffvalg – som f.eks. drape og andre lette ullstoff med struktur/mønster.

I dag kallas rundtrøya ofte «Vest-Telemarkbunad». Det er ikkje rett. Den vart nytta i heile fylket, og med små variantar også i andre fylke.
Hos Almankås syr me to ulike rundtrøyebunader. Me har vore så heldige å funne to opprinnelege modellar. Begge modellane har opphav i Tuddal, og er mest sansynleg sydd der av lokal skreddar. Dette viser og at denne bunaden var vanleg i Aust-Telemark.


Rundtrøya, også kalla stuttrøya, tok over etter gråtrøya alt frå 1880 åra. Dette er ein meir dressprega bunad som bygger på den nye mannsmoten ute i Europa på fyrste del av 1800-talet, og vart vanleg litt seinare her i landet. Rundtrøya kjenneteiknast av den korte jakka, stuttrøya, med den avrunda formen nederst – noko mange meiner er opphavet til navnet «rundtrøye». Det er få gamle utgaver å sjå i dag, men dei vi har er sydd i kraftig klede, og ofte er det brukt beinknappar. Det har nok og vore bruka sølvknappar, det ser vi på gamle bilde.