Band og belte har vore ein viktig del av draktskikken heilt sidan vikingtida. I denne videoen viser me deg korleis eit tradisjonelt brikkevevd hårband blir til – frå fletta renning på rennebommen til tredd brikkevev. Du får vite meir om kor mange brikker som trengst, kva for innslagsgarn me bruker, og kva utstyr du treng dersom du vil veve sjølv. Me hjelper deg gjerne i gang med både utstyr og renneflette, eller me kan veve eit heilt ferdig hårband til deg!

I år markerer me 70-årsjubileet for Almankås! I denne videoen får du høyre meir om den rike historia vår, heilt frå Ingebjørg Almankås byrja med veving på 40-talet. Du får sjå det unike sølvmerket som blir sydd på alle bunader i år, og me fortel om den nye boka «Bølla – litt av ei dame». Kom gjerne innom butikken for å sjå på boka og slå av ein prat!

Belte er ein viktig del av draktskikken i Telemark, og i denne videoen viser vi korleis vi førebur vevinga ved å renne belte etter gamle mønster. Du får vite kva som er riktig breidde på belte til både raudtrøyeklede og beltestakk, korleis du best tek vare på beltet ditt, og kva utstyr du treng dersom du vil veve sjølv.

Bunadsko er ein viktig del av heilskapen – både praktiske og tradisjonsrike. I denne videoen får du vite meir om korleis dei er utforma, kva som skil dei frå vanlege sko, og kvifor dei er laga for å vare lenge.

Bunaden er eit plagg som skal vare i mange år, og litt ekstra stell gjer stor forskjell. I denne videoen får du tips til korleis du kan oppbevare, lufte og førebu bunaden til bruk – slik at han alltid ser fin ut når du treng han.

I denne videoen viser me korleis du tek på beltestakken steg for steg – frå dei første plagga til heile bunaden er på plass. Du får tips til rekkjefølgje, justeringar og små detaljar som gjer at alt sit som det skal.

Har du kort hår og lurar på korleis du kan få til ei fin bunadsfrisyre? I denne videoen viser me ein enkel måte å vippe håret på, sjølv om det er kort.

Å kle på ein bunad handlar om fleire plagg og rekkjefølgje – og nokre detaljar kan vere lette å gløyme. I denne videoen viser me korleis du tek på bunaden, del for del, slik at alt sit som det skal.

Kor mykje sølv skal ein bruke, og kvar skal det sitje? I denne videoen går me gjennom det du treng å vite om bunadsølv – anten du har arva, kjøpt nytt, eller vil vite meir om kva som passar til din bunad.

Undertrøya er meir enn berre eit plagg – ho held fasongen på stakken, gjev støtte og sørgjer for at bunaden sit som han skal. I denne videoen forklarar me kvifor undertrøya er så viktig, og kva du bør tenkje på når du vel og brukar ho.

Her viser me korleis man knyter silketørkle

I denne vidoen vise me korleis man vipper hår