Klassisk Vest-Telemark damebunad

Den klassiske kvinnebunaden frå Vest-Telemark bygger på draktskikken slik den var i Vest-Telemark på starten av 1800-talet. Det var tidleg på 1900-talet at bunaden blei tatt opp igjen. Da var ein opptatt av å få fram dei gamle ullgarnsbroderia, noko som var i tråd med dei nasjonale strømmingane som var i denne perioden.
Kvinnebunaden frå Vest-Telemark har eit smalare belte enn varianten frå aust. Beltet bør sitte to fingerbredder over livvidda. Mønstra er mange og varierte, mens snittet med dei spesielle snippane i ryggen alltid er det samme. Stakken kan vere svart, blå eller grønn og kufta raud eller svart.

Til Vest-Telemarkbunaden brukar ein skjorte med kvitsaum eller farga broderi, tulletørkle eller vippe på hovudet, kufte eller sjal, veske, svarte strømper og svarte bunadsko. Det er vanleg å ha ein halsring, ein eller to søljer, maler og malelenke.